U8 - Campeonato Gallego Concello de Ames

ALEJANDRO E NEREA CEREIJO PROCLÁMANSE CAMPIÓN GALEGO E CAMPIONA FEMININA DE XADREZ NA CATEGORÍA SUB-8

[24-03-2016] Alejandro Cereijo e Nerea Cereijo veñen de proclamarse, tralo Campionato Galego de Xadrez disputado esta fin de semana, campión galego e campiona feminina na categoría sub-8. Irmán e irmá forman parte do Club de Ajedrez do Colegio Manuel Peleteiro de Santiago de Compostela.

Ambos residen no Milladoiro, e ambos se proclamaran xa campión provincial galego e campiona provincial da categoría feminina o pasado mes de febreiro. Esta fin de semana, os días 19 e 20 de marzo, competiron no Campionato Galego de Xadrez, que reuniu en Padrón a máis de 220 xogadoras e xogadores de distintas categorías. Alejandro Cereijo foi o que obtivo o mellor resultado da súa, a sub-8, gañando sete das oito roldas que se xogaron ao longo da fin de semana. Nerea Cereijo obtivo o mellor resultado da categoría feminina. 

Irmán e irmá representarán a Galicia na categoría sub-8 do Campionato de España de xadrez. O torneo estatal terá lugar na localidade granadina de Salobreña, e as roldas nas que compiten Alejandro e Nerea desenvolveranse ao longo dos días 23, 24, 25 e 25 de xuño. O domingo 26, ás 14:00 horas, darase a coñecer os nomes das persoas gañadoras do torneo.

http://www.concellodeames.gal/nova.php?noticia=13890&idioma=es&sec=32